131 dayuhang nagrali, hinarang

Nabigo ang may 131 dayuhan kasama ang mga militanteng grupo na mag­sagawa ng kilos-protesta sa Philippine International Convention Center (PICC) sa Pasay City kung saan kasalu­kuyang isinasa­gawa ang Global Forum on Migration and Development.

Hindi halos naka-porma ang nabanggit na mga raliyista makaraang agad na barikadahan ang mga ito ng anti-riot team mula sa National Capital Region Command.

Napag-alaman na ang nasabing mga dayuhan na nagmula pa sa 25-bansa ay nagsimulang mag-martsa kasama ng mga militanteng grupo mula sa Quirino Avenue at patungo sana ang mga ito sa PICC upang i-protesta ang nag­papatuloy na pagpu­pulong.

Nabatid na kahapon ay dumalo na sa pagpupu­long sina Pangulong Gloria Macapagal-Arroyo at si United Nations Secretary-General Ban Ki-Moon. (Rose Tamayo-Tesoro)