Hinayjack na mga posporo nabawi

Umaabot sa 352 ka­hon na bahagi ng P630,000 hinay­jack na container van na nagla­laman ng bulto ng mga posporo na pag-aari ng Philippine Match Com­pany (Phimco) ang nare­kober ng PNP High­way Patrol Group (PNP-HPG) Task Force Lim­ bas at Anti-Hijacking Division sa bo­dega ng isang super­market sa Quezon City.

Ayon sa ulat, ang na­sabing 352 kahon ng mga posporo ay kabilang sa ka­buuang 450 kahon ng pos­poro na iniulat ni Mr. Roberto Reyes ng Phimco na na-hijack kamakailan.

Bandang alas-11:45 ng tanghali kamakalawa nang salakayin ng mga opera­tiba ng Task Force Limbas ang bodega #1 ng Wel­come Super­market na pag-aari ni Mr. George Cua na matatag­puan sa #13 N. Ramirez St. Brgy. Don Manuel, Quezon City.

Isinagawa ang raid sa bisa ng search warrant na inisyu ni Judge Jose Pa­neda ng Branch 220 ng Re­gional Trial Court ng Quezon City.

Nakatanggap umano ng impormasyon ang mga awtoridad na sa na­sabing lugar mata­tag­puan ang hi­nayjack na bultu-bulto ng mga ka­hon ng posporo ng Phimco.

Narekober ang 352 kahon ng posporo na nag­kakahalaga ng P492,800 kung saan wala sa bo­dega ang may-ari ng super­market at ta­nging kamag-anak saka staff nito ang su­maksi sa operasyon.

Ang nasabing mga produkto ay may mga code numbers pa ay naka­­silid sa 352 karton na tu­mugma sa mga doku­mento ng nag­re­reklamong si Mr. Reyes. (Joy Cantos)