Lima katao kabilang ang tatlong suspek na pinaniniwalaang mga hired killer ang nasawi at sugatan naman ang dalawang katao sa isang barilan kamaka lawa sa Malabon City.
Kinilala ang mga biktimang sina Enrique Villagracia, 58, ng Dagatan, Navotas City; at Paquito Llanera, 57, isang kristo sa sabungan.
Tatlo sa apat na suspek ay kinilala lamang sa kanilang mga pangalan na alyas Greg; alyas Toto, at alyas Paking. Napatay sila sa pakikipagbarilan sa mga pulis.
Arestado ang isa pang suspek na si Ernesto Emua “alyas Badjao”, 28, ng Brgy. Tinajeros, Malabon City.
Naglalakad si Villagracia patungo sa nakaparada nitong kotse nang bigla itong hinarang at pinagbabaril ng mga suspek sa Diwa St., Brgy. Tugatog ng naturang lunsod.
Dito rumesponde ang mga kagawad ng Police Community Precinct 4 ng Malabon City Police sa pangunguna ni Sumagpang hanggang at kanilang hinabol ang mga tumatakas na suspek. (Lordeth Bonilla)