Shabu lab equipment nasabat ng BOC

Nasabat ng mga ope­ratiba ng Bureau of Cus­toms (BOC) ang mga laboratory equipment na umanoy ginagamit sa paggawa ng illegal na droga.

Sinabi ni Customs Commissioner Napoleon Morales, ang mga nasa­bat na kargamento ay na­diskubre mula sa loob ng isang container van na dumating noong isang linggo sa Port of Manila galing sa Japan.

Naka-consign umano ang nasabing mga karga­mento sa Nissan Seiko Corp. at idineklarang mga food processing equip­ment.

Subalit nang busisiin ang mga ito ay nakita ng mga customs inspector na ang mga kagamitan ay maaaring makapag-pro­duce ng shabu.

Kasabay nito, naka­sa­bat din ang BOC ng ka­hung-kahong “herbal me­dicines” mula naman sa bansang China.

Patuloy namang nag­­­sa­sa­gawa ng imben­taryo ang BOC at Philip­pine Drug Enforcement agency (PDEA)upang matukoy ang halaga ng nasabing mga karga­mento. (Gemma Amar­go-Garcia)