3 holdaper todas sa shootout

Patay ang tatlong hini­hinalang holdaper ha­bang arestado ang dalawa pang kasamahan ng mga ito matapos na makipag­ barilan sa mga tauhan ng Marikina Po­lice at Eastern Police District (EPD) ka­maka­lawa ng gabi sa nasabing lungsod.

Kinilala ang mga na­sawi na sina Joel Monte­falcon, sangkot sa ka­song highway robbery at rob­bery snatching; Joey Mon­tefalcon may kasong robbery at qualified theft at Jorge Piñon, 24, sang­kot naman sa kasong high­way robbery, robbery snatching at direct as­sault, pawang mga resi­dente ng nasabing lungsod.

Naaresto naman ang dalawa pa na kinilalang sina Salvador Felipe na sangkot sa limang kaso ng robbery at Alwin De­pano na sangkot sa ka­song theft kapwa resi­dente ng #12 Mangga­­han Extn. Brgy. Tañong, Ma­rikina City.

Ayon kay Supt. So­tero Ramos, hepe ng Ma­ri­kina police, naganap ang engkuwentro dakong alas-9:10 ng gabi sa ka­ha­baan ng Dao St. , Brgy. Marikina Heights ng lungsod na ito.

Nabatid na nagsasa­gawa ng routine patrol ang tropa ng Marikina Special Weapons and Tactics (SWAT) nang ma­mataan ang dalawa sa mga suspek na magka­ka­angkas kaya nilapitan nila ito upang sitahin su­balit agad silang pinapu­tukan ng mga sakay ng motorsiklo kaya gumanti na rin ng putok ang mga tauhan ng SWAT na iki­nasawi ng drayber ng motorsiklo.

Tumakas naman ang angkas at sumakay sa parating na kulay maroon na Tamaraw FX na may plakang “for registration” na hinihinalang kasama­han ng mga suspek su­ba­lit hindi pa nakakalayo ito ng takbo ay naharang na ng rumespondeng mga tauhan ng EPD Mobile Force na nagre­sulta ulit ng madugong engkwentro.

Sinamantala naman ng driver ng FX ang sa­gupaan at tumakas ito pa­tungo sa hindi pa ma­batid na direksyon ha­bang sina Felipe at De­pano ay nadakip sa ma­dilim na iskinita habang papatakas sa lugar ng insidente.

Narekober ng pulisya sa mga suspek ang tat­long .38 na kalibre ng baril na puno ng bala, mga granada gayundin ang motorsiklo na ginamit ng dalawang suspek.

Ang bangkay ng tat­long suspek ay naka­lagak ngayon sa EPD Crime Laboratory sa Marikina City habang ang dala­wang naaresto ay naka­kulong ngayon sa Mari­kina Police de­tention cell.