7-anyos may cancer namatay sa NAIA 3

Isang 7-anyos na batang babae ang na­sawi sa departure area ng NAIA 3 habang pasa­kay sa eroplano patu­ngong Agusan Del Sur kahapon ng umaga.

Sa report na tinang­gap ni MIAA general ma­nager Alfonso Cusi, ang biktima ay kinilalang si Miguela Jane Ugay ng San Francisco, Agusan Del Sur.

Si Ugay kasama ang kanyang ama na si Miguelito ay nakatakda sanang tumulak pauwi sa kanilang bayan sakay ng Cebu Pacific flight nang mamatay ang una habang kalong ng ama.

“Napansin kong na­ngi­ngitim na ang mga daliri ng anak ko kaya balisa na rin ako at nag­hahanap kung saan ang medical clinic para ma­suri ang lagay ni Jane. Pa­balik na sana kami sa Agusan pero ‘di na siya umabot,” ani Miguelito.

Mabilis na nagres­ponde ang NAIA Medical team matapos na maka­tanggap ng emergency call mula sa mga airport personnel. Ga­ yun­man, idineklara ng doktor na patay na ang biktima.

Nabatid sa nakatatan­dang Miguelito na tumu­ngo siya sa Manila ka­sama ang may sakit na anak upang sumailalim sa medical check-up. Unang inakala ni Miguelito na ang sakit ng anak ay pag­kabali lamang sa kanyang buto na nagsi­mula nitong Pebrero.

“Pagdating namin sa National Orthopedic Hospital ay natuklasan ng mga doctor na bone cancer pala ang idinadaing na sakit ng aming anak,” dagdag ni Miguelito

Tanging ang huling kataga ng anak sa kan­yang itay ay ang kahili­ngang iuwi na lamang siya sa kanilang probinsya.

Magugunita na naging sunud-sunod ang tra­hedyang naganap sa NAIA 3 matapos na isang lalaki ang nasawi sa aksidente at isa namang babae ang nagtangkang magbigti sa ika-apat na palapag ng terminal.