Isang hindi pa nakikilalang lalaki ang natagpuang patay na nakabitin sa isang puno ng ipil sa Intramuros, Maynila kahapon ng umaga. Inilarawan ang biktima na nasa gulang na 40-45 anyos, may taas na 5’4’’-5’5’’, payat ang panganga tawan, nakasuot ng itim na pantalon, itim na t-shirt at itim na sapatos. Sa ulat ng pulisya, dakong alas-5:45 ng umaga nang mapuna ng nakatalagang security guard na si Romeo Durano ang nakabigting biktima sa loob ng Intramuros Golf Course, sa P. Burgos St., Ermita, Maynila. Iniimbestigahan ng MPD-Homicide kung nagpatiwakal ang biktima o may foul play sa insidente. (Ludy Bermudo)
Driver kinatay ng kapwa driver
Isang 35-anyos na tsuper ang pinatay sa saksak ng kapwa niya driver nang dahil lamang hindi naisauling screw driver, kahapon ng umaga sa Caloocan City. Nakilala ang nasawi na si Danny Boy Caballero, stay-in driver ng Budget and Tipid Corp., sanhi ng tinamong isang malalim na saksak sa kanyang dibdib. Hinahanting naman ng pulisya ang suspek na si Samuel Bulo, 35, stay-in driver din ng naturang kompanya, na mabilis na tumakas matapos ang insidente. Batay sa ulat ng pulisya, naganap ang insidente dakong alas-9 ng umaga sa loob ng bodega ng nabanggit na kumpanya. Nabatid, hinanap ng biktima ang screw driver nito na hiniram ng suspek na nauwi sa mainitang pagtatalo hanggang sa kumuha ng patalim ang suspek at walang sabi-sabing inundayan ng saksak sa dibdib ang biktima. Matapos ito ay mabilis na tumakas ang salarin. (Lordeth Bonilla)