Estudyante nagpatiwakal

isang umano’y tom­boy na criminology stu­dent ang nagbaril sa sarili at namatay nang hindi siya mapatawad ng live-in partner na nagselos sa pakikipag­kita niya sa isa niyang dating nobya sa isang binyagan sa Tondo, Manila kahapon ng ma­daling-araw.

Binawian ng buhay sa Mary Johnston Hos­pital ang biktimang si Ma. Eleanor dela Cruz, da­laga, at resi­dente ng #526 Mel Alcayde St., Tondo.

Sa ulat ni Det. Ed­gardo Ko ng Manila Po­lice District-Homicide Section, dakong alas-12:40 ng mada­ling-araw nang maga­nap ang insi­dente sa loob ng kuwarto ng biktima at nang live-in partner nitong si Heidi Arnaldo, 20.

Nabatid na nagka­roon ng pagtatalo sina dela Cruz at Arnaldo nang matuklasan ng huli na kasama ng una ang dati nitong nob­yang si Eda sa na­sabing bin­yagan.

Nagalit at nanum­bat ang nagseselos na si Arnaldo. Hindi nito kinibo ang biktima kahit humi­hingi ito ng tawad.

Umabot na umano ng madaling-araw na ma­tigas pa rin ang loob ni Arnaldo hanggang ma­isipan ni dela Cruz na kunin ang baril nito at paputukan ang sa­riling sentido sa harap ng una.

Pinaniniwalaang ipi­nakita lamang ng biktima na sinsero siya sa kan­yang paghingi ng tawad kaya sa harap ng nobya ito nag­pakamatay.