Suspects sa gang rape, pumalag

Itinanggi ng pamilya ng dalawa sa mga sus­pect sa gang rape ang akusas­yon na hinalay nila ang isang 15-anyos na dala­gita no­ong Setyembre 4 sa loob ng isang hotel sa Caloocan City.

Kasabay nito, sasam­pa­han ng kaso ng mga sus­­pect na sina Nikko Mo­rales, 19; at Paul Pineda, 29, ang mga pulis na hu­muli sa kanila kabilang sina PO3 Antonio Rigor at P/Insp. Alberto Villanueva. Sina Ri­ gor at Villanueva ay ta­uhan ng Mayor’s Com­plaint Action Team (MCAT).

Ilan sa mga isasam­pang kaso laban sa mga pulis ay ang arbitrary de­tention at ang illegal arrest dahil dinakip ang dalawa ng walang kaukulang arrest warrant. Sina Mora­les at Pineda ay pinalaya ng piskalya at may ­na “re­lease for further investi­gation”.

Ayon sa pamilya ng mga suspect, walang nang­yaring pang­gagahasa tulad na rin ng ibinibintang ng biktimang iti­nago sa pangalang Juliet.

Pinatotohanan naman ito ng medical certificate ng Philip­pine General Hos­pital (PGH) ng biktima kung saan nakasaad na walang anu­mang sugat o penetra­tion nang maganap ang sina­sabing pangga­gahasa. (Doris Franche)