500 kilo ng hot meat nasabat

Nakasabat na naman ng double dead na karne o hot meat ang mga ele­mento ng Market Secu­rity and Enforcement Unit (MSEU) ng Quezon City   hall sa Balintawak ka­hapon ng umaga.

Ayon kay MSEU head Neil Lina, 500 kilo ng hot meat ang ka­ nilang na­kum­piska sa Balintawak area habang ibenebenta sa mga paruokyano.

Anya, sa kada isang linggo, umaabot sa 100 kilo ng hot meat ang ka­nilang nakukumpiska sa Balintawak partikular sa Tambunting area.

Pina -eeksamin na ng MSEU ang naturang mga kumpiskadong karne sa QC health depart­ment upang mala­man kung maaari pang magamit o susunugin na lamang ang mga ito.

Kaugnay nito, bina­laan naman ni Lina ang mga tiwaling negosyante na patuloy na nagbe­benta ng mga bulok na   karne sa mga pamilihan na hindi sila tatantanan hangga’t hindi nila inihi­hinto ang ilegal na aktibi­dades. (Angie dela Cruz)