Bodyguards ni Villar na nambugbog ng trader, ‘no show’ pa rin

Hanggang kahapon  ay hindi pa rin lumulutang sa Makati City Police upang magpaliwanag ang mga bodyguards ni Usec. An­tonio Villar ng Presi­dential Anti-Smuggling Group o PASG hinggil sa umano’y pambubugbog ng mga ito sa isang ne­gosyante sa Makati City.

Sa panayam kay  P/S Supt. Gilbert Cruz, hepe ng Makati City Police, tanging ang abogado la­mang ng PASG ang nag­pakita kahapon sa kan­yang tanggapan kung saan iginiit umano ng huli na wala pa naman daw sapat na da­hilan para lu­mu­tang sa ngayon ang mga inaakusa­hang nam­bugbog na bodyguards ni Villar.

Paliwanag pa ni Atty. Vergilio Bruno, legal coun­sel ng PASG, wala naman umanong anu­mang kaso na isina­sampa ang negos­yan­teng si Simon Paz na hanggang sa kasaluku­yan ay nasa intensive care unit (ICU) pa rin ng Makati Medical Center sanhi ng pagkaka-comatose nito.

Sa kabila nito, nagbi­gay naman ng katiyakan ang nasabing abogado ng PASG sa pulisya na naka­handa silang maki­pagtu­lungan sa mga huli sa san­daling makum­pleto na ang mga impor­masyon sa kaso. Handa rin umano ang PASG na isuko ang mga isinasang­kot na body­guards ni Usec Villar saka­ling may asunto na ang korte.

Samantala, naka­takda namang makipag-koordi­nas­yon sa Police Safety and Protection Office ng Camp Crame ang Makati City Police upang alamin kung sinu-sino ang mga naka-detail kay Usec . Villar lalo pa at ang mga itinu­turong sangkot sa na­sabing insi­dente ay sina­sabing mga miyembro ng pulisya. (Rose Tamayo-Tesoro)