Preso patay sa city jail riot

Isang bilanggo  ang na­sawi habang isa pa ang na­sugatan sa naganap na riot kahapon sa loob ng Manila City jail sa Sta. Cruz,  Maynila.

Nalagutan ng hininga bago naisugod sa Jose Reyes Memorial Medical Center sanhi ng isang tama ng bala sa batok ang  bik­ti­mang si Eduardo Man­dap, 28, ng #753 Int. 55 Raxa­bago St., Tondo Maynila

Kinilala naman ang na­sugatan na si Joey Saclao, 44, ng 757 E. Mapia st. Tondo.

Nagsimula ang riot  dakong alas-3:20 ng hapon nang magsagupa ang Com­mando Gang at Ba­hala na Gang.

Nabatid na oras pa ng dalaw ng mga bilanggo nang bigla na lamang mag­kagulo at sumiklab ang riot sa pagitan ng dalawang gang. Matapos ang riot, bigla na lamang bumulagta ang dalawang biktima.

Habang isinusulat ito, hindi pa rin makumpirma kung ang dalawang bilang­go ay miyembro ng Bahala na gang o Comando gang.  Ito ay dahil sa pagtanggi ng pamunuan ng Manila City Jail na magbigay ng de­talye kaugnay sa nasabing riot. (Gemma Amargo-Garcia)