Janitor ‘winakwak’

Malagim ang naging kamatayan ng isang janitor makaraang makursunadahan ito ng isang grupo ng kalalakihan na matapos siyang kuyugin at pagtulungang pagtatagain at pagsasaksakin hanggang sa mawarak ang kanyang katawan kahapon ng hatinggabi sa Medina Compound sa Las Piñas City.

Hindi na umabot ng buhay sa Las Piñas Medical Hospital si Jasper Abarientos, 25, residente ng Blk-17 Lot 2 Medina Compound, Talon 4.

 Nadakip naman at pinagbubugbog rin ng mga bystanders ang isa sa mga suspek na si Ricardo Prollis, 38 ng Medina Compound, Talon 4.

Pauwi na sa bahay ng kanyang ina si Abarientos nang makasalubong nito ang mga suspek na pawang lango sa alak at isa sa mga ito ang tumitig ng masama sa kanya.

Kinursunada at pinagtulungang bugbugin ng mga suspek ang biktima hanggang mapatay ito. (Rose Tamayo-Tesoro)