Batang lansangan, gagawing ‘Kiddie Cops’

Sa halip na mamali­mos o manghingi ng pag­kain, balak ngayon ng Que­zon City Police Dis­trict (QCPD) na gawing “kiddie cops” ang mga batang kalsada upang maging tagasum­bong ng mga kahina-hina­lang in­di­bidwal para maba­wa­san ang krimen sa lungsod.

Nakatakdang umpi­sa­han ang programa nga­­­yong darating na Sabado kung saan 20-25 batang kalye na may edad 10-15-anyos ang da­dalhin nila para sa se­minar sa Camp Karingal upang turuan ang mga ito na tumukoy ng mga ka­hina-hinalang sus­pek at kung paano ang sistema ng pagsu­suplong nila sa awtoridad.

Nabuo ang konsepto na ito ni QCPD-Station 10 Supt. Aspirino Cabula ma­tapos na mapansin nito ang dumaraming bi­lang ng mga batang kalye na na­ma­malimos sa Timog, Tomas Morato at Quezon Avenue. 

Sinabi nito na ide-deploy ang mga “kiddie cops” sa mga lugar na sakop ng Station 10 at aaktong nor­ mal lang ang sitwasyon habang nag­ma­manman at palihim na magbibigay ng impor­mas­yon sa mga pulis ukol sa kahina-hinalang in­di­bidwal para maba­wa­san ang in­sidente ng hol­dap, robbery, at snatching.

Sa isyu ng seguridad ng mga bata laban sa mga sindikato ng krimen, sinabi ni Cabula sa PSN na naka­katiyak siya na hindi mang­yayari iyon dahil sa palagi umanong may naka-deploy na mo­bile patrol sa mga lugar na pagtatala­gahan nila ng mga “kiddie cops”. 

Dahil sa programa, ma­li­limitahan umano ang lugar na pagkikilusan ng mga kriminal dahil sa alam nilang minamat­yagan sila. Hindi rin ininda ni Ca­bula ang posibleng pag­reklamo ng Commission on Human Rights (CHR) dahil sa pag­gamit sa mga bata sa pag­laban sa krimen.

“Anong gusto nila, for­ever na lang maging eye­sore at manghingi ng pag­kain ang mga bata.  Ang mas maganda, I am hit­ting two birds in one stone kung saan tatang­galin natin ang eyesore, paga­gandahin ang mga lugar  at maga­ga­mit ang mga bata sa peace and order cam­paign. I’m just being practical,” ayon kay Cabula.