Sa SONA ni GMA, bomb threat ’di aabot sa MM…

Hindi aabot sa Metro Manila ang bomb threat ng mga teroristang grupo ka­bilang ang Jemaah Isla­miyah (JI) sa Mindanao ka­ugnay ng napipintong State of the Nation Ad­dress (SONA) ni Pangu­long Gloria Macapagal Arroyo sa Batasan Com­plex sa Quezon City sa darating na Hulyo 28 .

Ito ang inihayag  kaha­pon  ni  AFP-NCRCOM  Spokes­man Captain Carlo Ferrer sa mga pangam­bang pananabo­ tahe sa SONA  ni Pangu­long Arroyo ng mga tero­ristang grupo.

Ang nangyayari umano sa Mindanao ay hindi mangyayari sa Metro Ma­nila, ayon pa kay Ferrer ka­sabay nang pagsasabing wala rin silang nakikitang banta ng kudeta.

Nauna nang nagpala­bas ng travel advisory ang Estados Unidos sa mama­mayan nito sa bansa na iwasan muna ang pag­biyahe sa Mindanao dahi­lan sa nananatili ang ‘bomb threat ‘ sa lugar na kilalang pinagtataguang balwarte ng JI.

 Sa kabila nito, tiniyak ni Ferrer na patuloy ang ka­nilang monitoring sa galaw ng mga teroristang grupo  upang mapigilan kung sakali mang mag­tangka ang mga itong manabotahe sa SONA.

Samantala, iba na rin umano ang nakahanda kaya maging ang mga tang­ke ng militar ay ipo­poste rin sa Camp Agui­naldo na handang magres­ponde sa oras na kaila­nganin.  Gayundin tutulong ang AFP-NCRCOM sa pag­sasagawa ng choke­points at checkpoints sa mga istratehikong lugar sa Metro Manila.  (Joy Cantos)