Guro ng UE natagpuang patay

Isang masusing imbesti­gas­yon ang isinasagawa ngayon ng Manila Police District (MPD) kaugnay sa pagkamatay ng isang faculty member ng Uni­versity of the East (UE) na na­dis­kubreng nangangamoy na ang katawan sa loob ng kan­yang inuupahang kuwarto sa Quiapo, Maynila kamakalawa  ng gabi.

Ang biktima na nakilalang si Joseph Lachica, tinatayang 33-38 anyos, faculty member ng Secondary Laboratory School ng UE at pansamantalang na­nu­nuluyan sa Room 223  #862 Gonzales Puyat St., corner De Guzman St., Quiapo, Manila ay hinihinalang dalawang araw nang patay. 

Batay sa imbestigasyon ni Det. Benito Cabatbat ng MPD-Homicide Section, dakong alas-7:30 ng gabi nang madiskubre ang bangkay ng biktima sa loob ng kanyang kuwarto.  

Ayon kay Danilo Lim, care­taker ng building, huli nitong na­kitang buhay ang biktima noong Hulyo 2 kung saan nag­bayad pa sa kanya ng upa sa kanyang kuwarto.

Gayunman, pinapalagay na buhay pa ang biktima noong hapon ng Hulyo 4, Biyernes  kung saan umalis ang board­mate nito na si Gell, isang secu­rity guard ng UE patungong Pangasinan. Kamakalawa ng gabi, hindi natiis ng iba pang nangu­ngu­pahan sa nasabing building nang nakaamoy sila ng ma­sang­sang na nagmumula sa kuwarto ng biktima.

Naiwanan ding bukas ang pintuan sa kuwarto ng biktima at nang puntahan ng ilang boarders ay tumambad sa ka­nila ang naaagnas nang kata­wan ng biktima. (Grace dela Cruz)