Ginulangan sa sigarilyo, lalaki nagwala, nanaksak

Dahil sa  inubos ang kanyang biniling isang kahang sigarilyo, sinaksak ng isang lalaki ang dalawa niyang kainuman kamakalawa ng gabi sa Pasay City. Arestado ng pulisya ang suspek na nakilalang si Rolando Chavez, 45, ng Espiritu St., Pasay City. Ito ay  nahaharap   sa kasong double frustrated homicide. Nasa kritiikal na kon­dis­yon at ginagamot naman sa Pasay City General Hospital ang mga biktimang sina  Carison dela Cruz, 23, cook,  at Mark Philip Pereyras, 21,  na  kapwa nag­tamo ng mga saksak sa iba’t ibang bahagi ng  katawan.

Sa ulat ng pulisya, naganap ang  insidente dakong alas-9 ng gabi sa kahabaan ng Espiritu St., ng na­banggit na siyudad. Nabatid na masayang-masayang nag-iinuman ang mga biktima at suspek nang ma­puna ng huli  na ubos na ang kanyang biniling isang kahang sigarilyo dahilan upang magwala ito.  Kaya’t inawat ito ni Dela Cruz at sa halip na magpaawat, inundayan nito ng saksak ang kainuman. Umawat naman si Pereyras subalit maging siya ay pinag­diskitahan din ng suspect. Papatakas na ang suspect subalit inundayan niya ito ng rumespondeng mga tauhan ng pulisya. (Lordeth Bonilla)