Vendor tinarakan, patay

Napatay ang isang 19-anyos na vendor habang nasa kritikal na kondisyon naman ang ka­ibi­gan nito matapos silang sak­­sakin ng isang lalaki na umano’y nayabangan sa mga biktima kamakalawa ng ma­da­ling-araw sa Sampaloc, Maynila.

Namatay habang ginaga­mot sa Jose Reyes Memorial Medical Center (JRMMC) ang biktimang si Mark Erwin Andaya ng 578 Quezon Blvd. Quiapo, samantalang patuloy na inoobserbahan sa natu­rang ospital ang kasama nitong si Nestor Magbutay, 19,  na resi­dente din ng nasabing lugar.

Kaagad namang naaresto habang natutulog sa kanyang bahay ng mga operatiba ng Manila Police District (MPD) Station 3 ang suspek na si Abundio Vaclion, 27, kargador ng 953 R. Papa St. Lerma Sampaloc.Maynila

Lumalabas sa imbesti­gas­yon ng pulisya, dakong alas-3 ng madaling-araw ng maga­nap ang insidente matapos na sumugod sa R.Papa St. ang mga biktima kasama pa ang iba nilang barkada upang hanapin ang mga bumugbog sa isa pa nilang barkada na si Gerald Contemar na napag­tripan matapos na ihatid ang kanyang kasintahan. Nagla­lakad na umano ang grupo ng biglang sumulpot ang suspek at inundayan ng saksak sa Tiyan si Andaya at pagkatapos ay si Magbutay naman na tina­maan sa kanan dibdib.  Idinek­larang patay ng doktor si An­daya kahapon dakong alas-8 ng umaga. (Gemma Amargo-Garcia)