2 holdaper timbog

Nadakip na ng pulisya ang dalawa sa anim na suspek na humoldap at pumatay sa isang account­ing staff ng isang kom­panya matapos itong mag-withdraw ng halagang P130,000 sa isang sangay ng Metro Bank noong Miyerkules sa Makati City.

Nakilala ang mga sus­pek na sina Richard Gabriel at Leo Sadural na nadakip sa isinagawang follow-up operation sa Dasmariñas, Cavite, kama­kalawa ng gabi.

Magugunitang binaril at napatay ng mga suspect ang biktimang  si  Jaime Armando Cortez, 55, binata, account­ing staff ng Echo Laizer Inc. at resi­dente ng 3435 Adora St., Brgy. Tejeros, Makati City. Matapos mapatay kinuha ng mga suspect ang kawi-withdraw pa lamang nitong pera ng kompanya.

Sa ngayon ay nagsasa­gawa pa ng manhunt ope­ration ang pulisya laban sa natitira at nakakalaya pang mga suspek. (Lordeth Bonilla)