Teen center pinasinayaan

Hindi na mag-aala­ngan ang mga kabataan sa Quezon City na pu­munta sa mga health center para magpakon­sulta lalo na sa usapin ng sekswalidad at  reproductive health.

Ito ay matapos pasi­na­yaan kamakailan ni Mayor Feliciano Bel­monte Jr. ang isang one-stop shop na center na magbibigay ng serbis­yong medikal sa mga kabataan.

Binuksan ang center tatlong buwan matapos ipasa ng Quezon City Council ang population and reproductive  health management  ordinance na naglalayong magturo sa mga kabataan ng health education.

Tatawaging Teen Head­­quarter ang center na may mga tauhang magbibigay ng counselling, referral at information-education sa mga batang kabataang may edad na mula 15 hang­gang 24 anyos. 

Kabilang sa serbisyo ng center ang pregnancy test at counseling, pap smear exam,  pre at post natal care, breast exam, testicular exam at pag­tutuli.