2 parak, 3 pa timbog sa kidnap

Limang pinaghi­hinala­ang notoryus na miyembro ng isang kidnap-for-ran­som gang kabilang ang dala­wang bagitong pulis na sangkot sa pagdukot noong nakalipas na buwan sa isang mayamang negos­yanteng Filipino-Chinese ang nasakote sa serye ng operasyon sa Metro Manila.

Kinilala ang mga na­arestong suspect na sina PO1s Freddie Dumaguing at Samuel Derije; pawang nakatalaga sa PNP Head­quarters Support Service sa Camp Crame at ang mga sibilyang kasabwat ng mga ito na sina  Jun Jun Amar, Augusto Tabuno, Jr., at Armando Mariano.

Ayon kay PNP-Crimi­nal Investigation and De­tection Group (PNP-CIDG) Di­rector P/Chief Supt. Raul Castañeda, pinaghahanap pa nila ang sampu pang miyembro ng sindikato ka­bilang ang dalawa pang pulis na nakatalaga rin sa Camp  Crame.

Isinagawa  ang operas­yon laban sa mga suspek  matapos na dumulog sa tang­gapan ng PNP-CIDG ang biktimang si Johnny Sy na umano’y pinag­bantaan siya ng mga sus­pek na du­dukuting muli dahil  kulang pa umano ng P1 milyon na napagkasun­du­ang ransom ng kanyang pamilya sa mga kid­nap­pers kapalit ng kanyang kalayaan.

Sa testimonya ni Sy sa mga imbestigador, dinukot siya ng mga armadong sus­pect na sakay ng mo­tor­­skilo at isang L 300 van  malapit sa kanyang taha­nan sa University Hills sa Caloocan City noong Abril 8.

Ang nasabing Tsinoy ay pinalaya matapos ang tat­long oras na pagkaka­dukot  pagkaraan namang mag­bayad ang kanyang pa­mil­ya ng inisyal na P500,000 mula sa napag­ka­sunduang P1-M ransom.

Nabatid na nagbigay muna ng P 300, 000 ang pa­milya ni Sy sa mga kid­napper mula sa kaniyang ATM account at karagda­gang P100,000 ng sumu­nod na araw  hanggang sa umabot ito ng P 500,000 kung saan kinuha umano ng mga suspect ang kan­yang ATM card.

Napilitan ang biktima na ipakansela ang kan­yang account ng mabatid na nagawang makapag-with­draw ng mga suspect ng P70,000 mula sa kan­yang ATM account.

Kasalukuyan na na­ka­piit sa detention cell ng PNP-CIDG sa Camp Cra­me ang mga suspect na nahaharap sa kasong kid­napping for ransom at illegal possession of fire­arms ma­tapos na masam­saman ng isang cal. 45 pistol at dala­wang cal. 38 revolvers. (Joy Cantos)