22 oras walang tubig sa Maynila, Pasay

Dalawamput-dala­wang  oras na mawawa­lan ng suplay  ng tubig sa mga lugar sa Maynila at Pasay mula alas-12:30 ng hatinggabi hang­gang alas-10:30 ng gabi ng Linggo, Abril 27.

Ayon sa Maynilad Waters, ang water interruption ay bunsod ng ga­gawing repair sa mala­king butas ng tubo ng tubig sa kahabaan ng Ma­bini St. kanto ng  Re­medios St., Malate, May­nila gayundin ang  reha­bi­litasyon sa loob ng Espiritu Pumping Station sa San Andres, Maynila.

Kabilang sa mga ma­apektuhan ng pagkawala ng tubig ang mga resi­denteng nakatira sa may Pandacan Maynila sa­kop ng Philippine National Railways, Cano­nigo at Otis; Paco sakop ng Creek, Pedro Gil, PNR at Otis; kahabaan ng Vito Cruz St., Taft Ave. hanggang Roxas Blvd.; San Francisco St. kaha­baan ng MSDR, San Andres St. at Arellano St.; kahabaan ng F. Torres St.; MSDR at Arellano St.; kahabaan ng Estrada St. harap ng MSDR at Taft Ave. Vito Cruz St. MSDR hang­gang Roxas Blvd.-CCP Complex.

Habang sa Pasay ay apektado naman ang kahabaan ng Donada St., Leveriza St., F.B. Harri­son St., Roxas Blvd. Service Road at kaha­baang kalsada mula Vito Cruz hanggang Buendia Ave.; kahabaan ng Taft Ave. at Estrada St. hang­gang Buendia Ave.; sakop ng F.B. Harrison St. at Buen­dia Ave. hang­gang Libertad.

Mahina naman ang suplay ng tubig sa may  Paco area sakop ng Pedro Gil, Creek at PNR; Malate area sakop ng Pres. Quirino, MSDR, San Andres at Anak Bayan; kahabaan ng Estrada St. partikular ang Leon Guinto at Singa­long Sts.; kaha­baan ng Vito Cruz St. at Taft Ave. hang­gang Roxas Blvd., Manila. (Angie dela Cruz)