PNP nag-sorry!

Sorry.

Ito ang naging pa­ha­yag ng pamunuan ng Phi­lippine National Police (PNP) ma­tapos na ma­tiyak na hindi puro hol­da­per ang walong na­sawi sa naganap na Delpan Bridge shootout, kundi may dalawang sibil­yang nadamay.

Inamin ng pamunuan ng Manila Police District (MPD) na dalawang sibil­yan  ang nadamay la­mang sa naganap na shootout.

Ayon kay MPD district director Roberto Rosales, pito lamang ang sakay ng Nissan Urvan na kinasa­sakyan ng mga suspek na pawang mga miyem­bro ng Waray-Waray gang.

Aniya, anim sa mga sus­pek ang idineklarang dead-on-the-spot, ha­bang ang isa pa ay na­katakas at kasalukuyang pinagha­hanap pa rin ng pulisya.

Namatay naman bago pa idating sa Gat Andres Bonifacio Hospital si Ro­lando Natividad, Opera­tions Manager ng Asia Bre­wery at driver nitong si Victor Constantino, 30, ng 355 Cavite St., Ga­ga­la­­ngin, Tondo, Manila san­hi ng tama ng bala sa ka­ta­wan na ayon pa sa pu­lisya, dahil sa sobrang ka­li­tuhan ay napabilang ang mga ito sa mga suspek.

Humingi naman ng dis­pensa si Rosales sa pa­­milya ng dalawang bik­tima at nangakong han­dang mag­bigay ng tulong sa abot ng makakaya ng pu­lisya. Kinilala na rin ang da­lawa sa napatay na suspek at umano’y mi­yem­­bro ng Waray-Waray gang na sina Romeo Luciano, na sina­sabing lider ng gru­po at dating miyembro ng Philip­pine Army at Rudy Sengki, tina­tayang 30-35 anyos, may taas na 5’4’’, naka-short pants at puting t-shirt.

Apat pa sa mga sus­pek ang hindi pa naki­kilala at wala pang uma­angking kamag-anak sa mga ito.

Samantala, nilinaw naman ni Supt. Jose Mario Espino, hepe ng MPD-Station 2 (Tondo) na kaya nadamay sina Nativi­dad at Constantino sa na­ga­nap na shootout ay dahil sa umano’y inagaw ng mga suspek ang puting Isuzu Fuego (WJY 692) na sina­sakyan ng dalawa.

Una nang sinita ng mga kagawad ng MPD ang sina­sakyan ng mga sus­pek na isang maroon na Nissan Urvan (ZEY 692) habang pa­paakyat sa Del Pan bridge dakong ala-1:30 ng hapon subalit sa halip na tumigil ay pina­sibad ang ka­nilang sa­sak­yan na rumampa sa center island dahilan upang pa­pu­­tukan ng pulisya ang mga ito.

Ilan sa mga suspek ang tinangkang agawin ang sinasakyan ni Nati­vi­dad na nagresulta sa pag­­kaka­da­may nito at kan­yang driver. Dahil dito, pi­na­­­iimbes­ti­ga­han ni NCRPO di­rec­tor Geary Barias ang pag­ka­matay ng dala­wang sibilyan.