Kidney for sale gang, timbog

Siyam na lalaki ang na­sagip ng mga opera­tiba ng Quezon City Po­lice District matapos sala­kayin ang kuta ng isang “Kidney for Sale syndi­cate” maka­ raang humingi ng tulong ang isa sa mga biktima kahapon sa Que­zon City.

Hiniling naman ng mga biktima na itago ang pagkakakilanlan sa kanila upang maproteksyunan ang kanilang pribadong buhay habang nakilala ang nag-iisang suspek na nadakip na si Pio Cata­lan, 42, at residente ng Ka­siglahan Village, Ro­dri­­guez,  Rizal.

Pinaghananap na­man ngayon ang dalawa pang ahente ng mga bik­tima na nakilala sa mga alyas na “Jumar” at “Ben”.

Isa sa mga biktima ang lumapit sa kanila  at humingi ng tulong ma­tapos na maisip ang gina­gawang pag-abuso sa kanila ng sindikato.

Ayon sa biktima, inalok sila ni Catalan na mag­benta ng kidney ka­palit ng halagang P120,000.  Ka­hirapan umano ang nag­tulak sa kanila para tang­gapin ito.  Dinala naman sila sa isang bahay sa Phase 1-D Lot 57 Kasig­la­han Village, Rodriguez, Rizal kung saan may isang buwan silang lib­reng naninirahan habang naghihintay ng pasyen­teng mangangailangan ng kidney.

Sinalakay naman ng mga awtoridad sa bisa ng search warrant na ini­la­bas ng Quezon City Re­gional Trial Court ang naturang bahay kahapon ng madaling-araw kung saan nailigtas ang siyam na lalaki na nagbebenta ng kidney.

Sinabi naman ni Ca­talan na ipinapasa naman niya ang mga kidney ng mga biktima sa mga ahen­te na sina Jumar at Ben na  ibinibenta naman ang laman-loob sa hala­gang P200,000.  Pinag­pa­parte-partehan naman nila ang halagang P60,000.  Isang kilalang pagamutan din sa may East Avenue, Que­­­zon City ang umano’y pinagdadalhan ng natu­ rang mga kidney.

Bumaligtad ang isa sa mga biktima nang ma­ba­tid na higit pa sa P500,000 ang ibinabayad ng isang pasyente para sa isang kidney kung saan maliit na halaga lamang ang napu­punta sa kanila.

Nakadetine ngayon ang suspek sa QCPD De­tention Center at naha­harap na sa kasong pag­labag sa Republic Act 9208 Article 14 o mas kilala sa “Anti-Trafficking in Persons Act”.