Arestado na ng mga operatiba ng Manila Police District ang isa sa mga suspek na nangholdap sa isa sa mga opisyal ng MPD sa Sta. Cruz, Maynila, kahapon ng umaga.
Iprinisinta ni MPD-Station 3 Commander P/Supt. Romulo Sapitula ang suspek na si Antonio Imutan, alyas Tony, 35, may-asawa, walang trabaho, ng #2461 Karapatan st., Sta. Cruz, Maynila.
Ang suspek ang isa sa apat na kalalakihan na umano’y humoldap kay P/C Insp. Isagani Ilas at sa driver nitong si Sabido Chavez habang ang mga ito ay sakay ng kanyang Toyota Altis at papauwi na sa kanilang bahay mula sa pagwi-withdraw ng perang nagkakahalaga ng P310,000. (Grace dela Cruz)