1,000 bus bawal na sa Maynila

Simula sa araw na ito may 1,000 bus na mula sa Ba­tangas, Laguna at Ca­vite ang hindi na papapa­su­kin sa May­nila at hanggang sa boundary na lamang.

Ito ang inihayag kaha­pon ni ret. Col. Franklin Ga­­cutan, hepe ng Manila Park­ing and Traffic Bureau.

Ayon kay Gacutan, kaila­ngang kumanan na sa  Har­rison o sa Taft Avenue ang mga bus na galing Roxas Blvd. ma­tapos mag­baba ng pa­sahero sa  Pablo Ocampo  St., dating Vito Cruz para hindi nila mala­bag ang batas-trapiko ng lungsod.

Sinabi ni Gacutan na ka­ilangan nilang ipatupad ito  dahil ito lamang ang ka­nilang nakikitang paraan upang ma­paluwag ang daloy  ng trapiko  sa southbound ng Maynila dahilan sa walang habas na pag­­ labag sa city traffic ordi­nance ng lungsod ng mga pa­saway na bus driver ng pro­vincial bus.

Nabatid  na hindi sumu­nod ang mga bus operators sa na­pagkasunduan na kailangang maglaan ng shuttle bus ang mga bus company para ihatid ang mga ibababang pasa­hero, halimbawa  sa Liwasang Bonifacio o sa Sta. Cruz.

“Tatlong beses na ka­ming nag-usap ng mga bus ope­rators  at pang-apat na meet­ing na ito, pero hindi sila su­mu­sunod kaya’t mag­hihigpit na kami,” ani Col. Gacutan.

Bukod dito, maghihigpit  rin sila sa mga kolorum na bus at jeep na bumibiyahe sa May­nila gayundin sa mga illegal ter­­minal na nagkalat sa lungsod.

Target ng MTPB opera­tions ang illegal terminal ng jeep at FX taxi  sa Ilaya-Padre Rada, Tondo, Juan Luna-Recto sa Binondo,  Moriones, Dagupan, Ton­do, Tayuman, Ave­nida sa Sta. Cruz, Blu­mentrtit, Sta. Cruz, Paco area, P. Faura St., Ermita, Plaza  Lawton at iba pa.

Samantala, isu-subpoena ng pamunuan ng Land Trans­portation Franchising Regu­latory Board (LTFRB) si Manila Mayor Alfredo Lim,  gayundin ang bus operators na may ruta sa Maynila.

Ang hakbang ay ginawa ni LTFRB Chairman Thompson Lantion bilang pagtalima sa tumitinding problema ng mga bus operators hinggil sa pag­babawal ng Manila govern­ment na makapasok ng na­tu­rang lunsod ang kanilang mga bus na maghahatid ng mga pasahero sa Maynila galing sa mga probinsiya mula Ba­tangas, Laguna, Quezon at Cavite.

Sinabi ni Lantion na pag­­ha­harapin niya ang magka­bilang panig upang masolus­yunan ang natu­rang problema sa lalung madaling panahon.

Bukod dito, nais anya ng LTFRB na malaman kung may nilalabag na probisyon ang city government ng Maynila hing­gil sa gina­gawang pagba­ba­wal nito sa mga provincial buses na makapasok ng Maynila.