Seguridad sa Comelec hinigpitan

Naging mahigpit ngayon ang seguridad sa tanggapan ng Commission on Elections (Co­me­lec) matapos na tam­bangan at mapatay si Atty. Wynne As­dala, legal depart­ment officer ng komis­yon kama­kalawa ng tanghali.

Ayon kay Comelec Com­mis­sioner Rene Sarmiento, lubha silang nababahala sa isa na namang pamamaslang sa ka­nilang kasa­ mahan tulad na rin ng nangyari kay Atty. Alioden Dalaig na pinag­babaril hang­gang sa mapatay ng mga hindi pa naki­kilalang  salarin.

Bagama’t nangangamba sa kanilang segu­ridad, pi­na­­yu­han ni Sar­mien­to ang kanyang mga ka­sa­ma­han na hu­wag magpa-apekto upang hindi rin ma­apek­tuhan ang kanilang mga trabaho.

Nabatid kay Sar­mien­to na suportado nila ang re­sul­ta ng im­besti­gasyon ng Ma­nila Po­lice Dis­trict na ang pa­mamas­lang kay Asdala ay may kina­la­man din sa pa­­ma­mas­lang kay Da­laig da­hil 50 por­si­yento ng sen­­sitibong ka­so ni Da­laig ay ha­wak nga­­yon ni As­dala.

Gayunman, hinihingi nila sa pulisya ang ma­­bilis na re­sul­ta ng im­bes­tigas­yon upang ma­tukoy kung sino ang pumatay sa da­la­wang opis­yal ng Co­me­lec at kung sino ang nasa likod ng krimen.

Samantala, ipatatawag ng MPD ang stenographer na ka­sama ni  Atty. Asdala  na si Rena Ballo ng maganap ang krimen.

Ayon kay MPD-Homicide chief Dominador Arevalo, ki­na­kailangan umanong ma­kapag­bigay ng testi­monya ni Ballo  sa pulisya at mag­ bigay linaw sa likod ng mga pang­ya­yari. Hindi pa umano nagpa­pa­kita si Ballo si­mula kamaka­lawa ng hapon nang mabaril si Asdala. (Doris Franche at Grace dela Cruz)