Misis inutas ni mister

Dahil sa paninita at pag­bu­bunganga, isang misis ang bi­naril sa leeg at na­patay ng kan­yang lasing na mister sa harap mismo ng kanilang anak, kamaka­lawa ng gabi sa Caloocan City.

Patay na nang idating sa sa Far Eastern University (FEU) General Hospital ang bik­timang si Maria Fe Ca­sun­cad, 44, ng #2497 Admin Site, Tala ng na­bang­git na lungsod.

Hinahanting naman ng pu­lisya ang suspek na si Arnold Casuncad, 43, na­ka­­tira sa nabanggit na lugar.

Sa pagsisiyasat ng Ca­looca­n City Police, na­ga­nap ang insidente dakong alas-7:30 ng gabi sa loob ng bahay ng mag-asawa sa nabanggit na lugar mismo sa harapan ng ka­nilang anak na si Chris­topher, 14.

Umuwing lasing ang sus­pek, dahilan upang sitahin at bungangaan ito ng biktima na ikinairita ng lalaki.

Nagkaroon ng maini­tang kom­prontasyon ang mag-asawa, hanggang sa kinuha ng suspek ang hindi pa ma­ba­tid na kalibre ng baril at pina­putukan nito sa leeg ang kanyang misis.

Sa insidenteng nasaksi­han ng kanilang anak, natulala ito at mistulang nawala sa sarili.

Ang duguang biktima ay mabilis na isinugod ng kan­yang mga kaanak sa na­bang­git na pagamutan ngunit idi­neklara itong dead-on-arrival, habang mabilis namang tu­makas ang suspect.