Tsinoy trader dinukot sa Pasay

Isa na namang ne­gosyanteng Tsinoy ang iniulat na dinukot ng mga armadong kala­lakihan sa Pasay City.

Kinilala ng pulisya ang biktima na si Winston Uy, 50, isang cell­phone dealer.

Nabatid sa paunang ulat na nakalap, sakay umano ng kanyang kotseng Mercedes Benz na kulay abo ang biktima tahak ang isang kalye sa Pasay nang bigla itong ha­rangin ng armadong kala­­lakihan.

Agad umanong su­makay sa kotse ng bik­tima ang mga suspect at sapilitan itong ipina-maneho patu­ngong Manila.

Ayon pa sa inisyal na imbestigasyon, na­rekober na kahapon ng hapon ng pulisya ang nasabing kotse ng biktima sa isang lugar sa Maynila, habang ang huli ay tuluyan namang tinangay ng mga suspect.

Nabatid pa na isang tawag umano ang na­tanggap ng pamilya Uy mula sa hindi pa naki­kilalang mga suspect na humihingi ng ka­ukulang P20 milyong ransom kapalit ng ka­layaan ng biktima.