6 grupo ng Chinese drug ring, nasa Pinas

Nakatutok ngayon ang Philippine Drug Enforcement Agency (PDEA) sa isang Chinese international drug ring  kung saan anim na grupo nito ang nag-ooperate ngayon sa bansa ma­tapos na malansag ang isa nilang itinayong shabu laboratory sa Zamboanga City.

Sinabi  ni  PDEA  Re­gional  Director P/Sr. Supt. Adzar Albani na pinagha­hanap nila ngayon ang main­tainer ng shabu labo­ratory na sinalakay nitong nakara­ang Biyer­nes sa liblib na bahagi ng Brgy. Lamisahan, Zam­boanga City na si Weng Li Yan, alyas Andy Wang na sina­sabing miyembro ng Chinese inter­national drug ring.

Nagpahayag naman umano ng pag­suko si Yan matapos na duma­ting sa Zamboanga City buhat sa Maynila upang linawin ang pangalan nito.

Kaya umanong lumik­ha ng daan-daang kilo ng shabu sa loob ng isang buwan ang naturang la­boratoryo. Na­kumpiska rin dito ang ilang mga rubber stamps  buhat sa mga ahensya ng pa­ma­­halaan na nagbibigay ng permiso para sa impor­tasyon at pagpapalabas ng mga kemikal sa bansa.

Matatandaan na una nang inihayag ng PDEA na tinututukan nila nga­yon ang pamamayagpag ng mga sindikato ng droga sa Mindanao kung saan ibini­biyahe ang mga sangkap na kemikal sa pa­mamagitan ng smuggling sa kara­ga­tan sakay ng mga bangkang pangisda.

Ipinapakalat naman ang mga na­likhang shabu sa Metro Manila, ibang bahagi ng bansa at ma­ging sa karatig na mga bansa sa Asya sa pama­magitan ng pagpapalusot dito sa loob ng mga lata ng sardinas o ipinapasok sa iba pang produkto. (Danilo Garcia)