PNP todo bantay sa Mendiola

Mahigpit  na seguridad ang ipai­iral ngayon ng Manila Po­lice  District (MPD), partikular na sa area ng Mendiola  sa  ka­­bila na sa Ayala, Makati naka­­sentro ang malaking kilos-protesta  ng  iba’t  ibang sektor na nanawa­gan sa  pag­bi­bitiw sa tungkulin ni Pa­ngu­­long Gloria  Macapa­gal-Arroyo.

Sinabi ni Supt. Romulo Sa­pi­­tula, station commander ng  Police Station 3, alas-7 pa  lamang  ng  umaga  ay  baban­ta­yan  na ng  mga  tauhan  ng  MPD at Civil Disturbance  Ma­nagement  Unit ang Mendiola.

Inaasahan  umano  nila  na  pu­­punta  ang  mga  raliyista  sa Men­diola sa sandaling maka­likom ng malaking bilang para  isulong ang kanilang pana­wa­gan. Bagama’t tiniyak ni  Sapi­tula na hind makakatapak sa Men­diola ang mga raliyista  kung wala silang permit.

Tiniyak din ni MPD Di­rector Roberto Rosales na mahigpit na babantayan ang mga vital installation sa May­nila tulad ng LRT, mall, oil depot at mga govern­ment offices, partikular na ang bisi­nidad ng Malaca­ñang. Aniya, mahigpit na ipa­tu­tupad ang 24-oras police  visi­bility  sa  buong Maynila. (Grace dela Cruz)