Basag ang bungo ng isang Marine Engineering graduate makaraang ito ay mahulog sa 33rd floor ng City Land Tower sa Malate, Manila at mahulog sa balkonahe ng 8th floor ng naturang gusali, kahapon ng madaling-araw.
Hindi na nagawang maitakbo sa pagamutan ang biktimang si Dennis Repedro, 20, gradweyt ng Marine Engineer at naninirahan sa 3325 City LandTower.
Natagpuan ang biktima dakong alas-1:45 ng madaling-araw sa 8th floor ng naturang condominium.
Nauna rito, nagpaalam si Repedro sa kanyang kapatid na si Divina na pupunta lang sa 33rd floor dakong alas-11:50 ng gabi.
Nang sumapit na ang ala-1:40 ng madaling-araw, may narinig ang kanilang kapitbahay na malakas na bumagsak sa balkonahe sa ika-walong palapag.
Bunsod nito, agad nilang pinuntahan ang balkonahe hanggang tumambad ang nakahandusay na bangkay ng biktima. (Grace dela Cruz)