Tanker sumabog

Natusta at namatay ang isang 54-anyos na ne­gosyante, habang nasa kri­tikal namang kon­disyon ang kanyang misis nang ma­sunog ka­sama ng kanilang sasak­yan maka­raang ma­da­may nang sumabog ang isang oil tanker sa Sam­paloc, May­nila ka­ma­kalawa ng gabi.

Halos hindi na ma­kilala sanhi ng matinding pagka­sunog ang bikti­mang si Melencio Aquino,  habang dumanas naman ng 2nd degree burns ang kanyang asawang si Jemma, 54, negosyante, kapwa resi­dente ng #35 Luna St., La Loma, Que­zon City. Ang huli ay ka­sa­lukuyan pang ino­obser­bahan sa UST Hospital.

Habang patuloy na­man na pinaghahanap ng pu­lisya si Leonardo Be­namir, tinatayang nasa 35-40 anyos, driver ng fuel tanker na may pla­kang PXT-482  na tuma­kas ma­tapos ang insi­dente.

Ayon sa imbestigas­yon ni Det. Rommel del Ro­sario ng Manila Police Dis­trict (MPD)-Homicide Sec­tion, dakong alas-9:30 ng gabi nang ma­ganap ang pag­sabog sa paanan ng Nag­tahan fly­over malapit sa G. Tua­zon St., Sampa­loc, Manila.

Nabatid na galing ang fuel tanker sa oil depot sa Pan­dacan matapos na mag­karga ng 14,000 litro ng diesel at 2,000 litro ng gasolina para i-distribute ito sa iba’t ibang gas stations.

Habang binabagtas ni Benamir ang naturang lugar ay hindi maipali­wa­nag na may tumagas umano sa laman ng oil tanker mula sa steel pipe valve na nag­resulta sa pagsabog nito.

Nagkataon namang nasa kanang bahagi ng oil tanker ang sasakyan ng mag-asawang Aquino na isang Toyota Altis na may plakang XKS-309 na ina­bot ng pagsabog at nag-apoy.

Si Melencio na siyang nagmamaneho ang lub­hang naabot ng apoy na naging sanhi ng pag­ka­tusta nito. Masuwerte namang nakababa ng kotse ang asawa nito, ga­yunman nagtamo pa rin ito ng second degree burns.

Nadamay din sa pag­sabog ang minamane­hong taxi ni Roque Baruela na  may plakang TWL 636, na kasunod lamang ng kotse ng bik­tima. Kabilang din sa mga nadamay na sasakyan ay isang Honda Civic (UJH 252); Mitsubishi Box-Type (PKX 356); Mitsubishi Lancer (UBB 491); Nis­san Sentra (TBR 587); Tama­raw Pick-Up (DGZ 488); Truck Forwarder (CTW 582); AUV (UHW 559; at Scooter (No. ZL-9530) na pawang na­ka­parada ma­lapit sa naturang lugar. 

Inihahanda na ang   kasong reckless impru­dence resulting to homi­cide and damage to pro­perty laban sa suspek.