Janitor natagpuang patay

Dahil sa masangsang na amoy  ay nadiskubre ang isang  47-anyos na janitor na natagpuang walang buhay sa loob ng kanyang kwarto kahapon ng umaga sa Sampaloc, Maynila.

Ang biktimang si  Jaime Mendoza, binata, ng 909 R. Papa St., Sam­paloc, Maynila ay hinihi­nalang tatlong araw nang patay bago ito nadiskubre ng kanyang mga kamag-anak sa loob ng kanyang kwarto.

Sa report ni Det. Dennis Javier ng Manila Police District-homicide section, dakong alas-7:20 ng umaga nang madiskubre ang bang­ kay ng biktima ng kan­yang mga kaanak sa pangalawang palapag ng nabatid na tirahan.

Nauna dito, nagtataka ang mga hindi nagpaki­lalang kamag-anak ng biktima dahil hindi na umano ito lumalabas ng kanyang kwarto.

Napagdesisyunan nilang puntahan ang kwarto ng biktima at nag­tataka sila dahil naka­kaamoy umano sila ng masangsang at ma­ba­hong amoy na nang­galing umano sa kwarto nito.

Hindi sila nagdala­wang isip na buksan ang kwarto ng biktima at dito nila nadiskubre na patay na ito at matigas na.

Tumanggi ang mga kaanak ng biktima na paimbestigahan ang na­turang insidente dahil tanggap nila na namatay ito sa atake sa puso. (Grace  Amargo-dela Cruz)