Imbentaryo sa shabu inutos

Inatasan kahapon ni Que­zon City Police Dis­trict Director Chief  Supt. Magtanggol Gat­dula ang  hepe  ng Kamuning Police Station 10 na mag­sagawa ng imbentaryo sa mga  na­kum­piska  nilang P.2  milyon  halaga  ng shabu.

Ito  ay  makaraang mada­kip kamakailan sa en­trap­ment  operation si PO2  Joseph  Vi­quilla, evidence  custodian  ng Scene on  the Crime  Ope­ratives ng QCPD.

Ayon sa hepe ng QCPD-PS 10 na si P/Supt. Aspirino Ca­bula,  nakumpiska kay Vi­quilla  ang P.2  milyon  halaga ng shabu na galing sa  imba­kan ng mga ilegal na  droga sa  naturang presinto.

Dahil dito, isinasailalim ngayon sa tactical interroga­tion si Viguilla upang mabatid kung may iba pang pulis na kasabwat niya na nagpu­puslit din ng ilegal na droga. (Angie dela Cruz)