Madamot sa tubig, idinemanda

Kinasuhan ng Pasay City Bureau of Fire ang apat na guwardiya ng Cultural Center of the Philippines na sinasa­bing nagdamot ng tubig at tu­mangging magpagamit ng fire hydrants ng CCP sa kasag­sagan ng sunog noong naka­raang linggo sa Baclaran Mall.

Nabatid kay Pasay City Fire marshal Sr./Insp. Juanito Maslang na mga kasong pag­labag sa Section 9 ng Pre­sidential Decree 1185 ng Fire Code of 1977 ang isinampa laban sa mga guwardiya na   hindi muna pinapangalanan.

Sinabi pa ni Maslang na kinasuhan ang mga guwar­diya bunsod umano ng pagda­damot at pagtanggi ng mga ito na makipagtulungan sa mga bumbero.

Ang hindi pakikipagtulu­ngan ng mga guwardiya ay naging kontribusyon din para lumaki ang sunog na tumu­pok sa mahigit sa P90 milyong ari-arian sa nasabing mall.

Nabalam din ang operas­yon ng mga dahi­lan upang tu­luyang  lumagab­lab ang apoy sa pagtanggi ng mga guwar­diya na magbigay ng tubig.  (Rose Tamayo-Tesoro)