Motorsiklo salpok sa dumptruck: 2 todas

Agad na nasawi ang dalawang tin­edyer na lalaki dahil  sa kawalan ng helmet ma­karaang sumalpok ang sinasakyan nilang motorsiklo sa isang dump truck ka­hapon ng madaling araw sa Quezon City. Nakilala ang mga nasawi na sina Sabru Saliling, 19, at Usman Sultan Pasa­dan, 19, kapwa residente ng Lanao street, Salam Mosque Compound, Brgy. Culiat, ng natu­rang lungsod. Sa ulat ng QC Traffic En­forcement Unit, naganap ang insidente dakong alas-2:50 ng madaling-araw sa kahabaan ng Tan­dang Sora Ave.

 Mabilis  umanong  binabaybay ng  motor­siklong  kinalululanan nina Pasadan at Saliling ang naturang kalsada sa direk­siyon  ng Visayas Avenue nang bigla na lamang sumalubong sa kanila ang isang dump truck na  hindi na naplakahan. Sa lakas ng pagkakasalpok tumilapon  ang motorsiklo ng dalawa ng halos sam­pung metro na sanhi ng matinding pinsala sa ulo at katawan ng mga ito na siyang kapwa ikinamatay. Agad namang tumakas ang driver sakay ng naturang dump truck ma­tapos ang pagkakabangga. (Danilo Garcia)