4 preso pumuga

Pumuga sa kulungan ang apat na preso na nakadetine sa Quezon City Police District-Station 2 detention cell sa pamamagitan ng paglagari sa rehas na bakal. Nakilala ang mga tumakas na  sina Danilo Francisco, Aldrin Agang, Steve Barinecho at Ramil Gonzales. Sa ulat ng pulisya, nadiskubre ang pagtakas ng mga preso nitong Huwebes ng umaga ngunit iniulat lamang kahapon.  Nabatid na nagawang makatakas ng apat sa kanilang selda na nasa likod ng istasyon sa pama­magitan ng paglagare sa rehas na bakal na hindi man lamang napapansin ng mga bantay. Naglunsad naman ng manhunt operation ang QCPD upang muling maibalik sa kulungan ang mga nagsitakas na bilanggo. Patuloy namang isasailalim sa imbestigasyon ang mga bantay na pulis dahil sa pagpapabaya. (Danilo Garcia)