‘Bagets’ bumuo ng holdup gang

Mga ‘bagito’ o pinani­niwalaang gumardweyt na sa snatching ang ilang kabataan na bumuo ng holdup gang at ‘next level’ na ang pinapraktis mata­pos tangayan ng mala­king halaga ng salapi at baril ang isang 47-anyos na negosyante, sa Tondo, Maynila, kahapon ng ma­daling-araw.

Sa tulong ng taumba­yan, kinuyog at dinakip­ ang isa sa naabutang sus­pek na kinilalang si  Jethro Virgo, 15, resi­dente  ng 116 A. Alfonso St., Balut, Tondo.

Pormal itong inirek­lamo ng biktimang si Pon­ciano Bautista Jr.,  resi­dente ng 1144 Camba st., Tondo.

Batay sa ulat ni PO2 Rodolfo Yanguas ng MPD-Station 2, dakong 1:45 ng madaling-araw nang pali­giran ng mga kabataang suspek ang biktima sa may panulu­kan ng Elcano at CM Recto Ave. sa Tondo.

Sa reklamo, sinabi ng negosyante na nakaupo siya at nagpapahinga sa upuan nang biglang pali­giran siya ng mga suspek na armado ng hindi naba­tid na kalibre ng baril.

Puwersahan uma­nong kinuha ang kanyang belt bag na naglalaman ng P200,000 cash.  Nang makitang mayroon siyang kalibre .45 baril ay pinag-interesan ding tangayin ito bago nagsipagtakas.

Nang humingi ng sak­lolo ang negosyante, agad namang rumes­ponde ang taumbayan.

Isa lamang ang na­a­ butan sa kanilang pag­ha­bol at matapos bug­bugin ay binitbit sa presinto.

Nabatid na ang lugar ng Divisoria o mismong sa pinangyayarihan ang puntahan ng mga snat­cher, mandurukot at hol­daper subalit ang mga kabataan ay umakyat na sa next level, mula pan­duru­kot o pami­mitas ng alahas sa bik­tima, ay nanunutok na rin upang makapang­holdap ng mas malaki ang ha­laga. (Ludy Bermudo)