Isa pa sa Batasan blast namatay na

Umakyat na sa lima ang bilang ng mga na­sawi sa naganap na pag­sabog sa Batasan Pam­bansa makaraang puma­naw na ang lalaking staff ni Negros Oriental Rep. Henry Teves matapos ang 16 araw na pagka­ratay sa pagamutan.

Tuluyang nalagutan ng hininga sa loob ng St. Luke’s Medical Center dakong alas-5 ng umaga si Dennis Manila. Una nang naputulan ng ka­nang binti si Manila dahil sa tindi ng pinsalang na­tamo sa insidente.

Si Manila ang ikala­wang staff ni Teves na na­sawi matapos na mauna nang pumanaw si Busta­liño.  Malubha ring nasu­ga­tan sa insidente ma­ging si Rep. Teves. Nana­natili namang nasa “inten­sive care unit (ICU)” ng pa­ga­ mutan ang isa pang bik­tima na si Bercita Garcia.

Dumagdag si Manila sa apat pang nasawi sa pambobomba sa Kongre­so nitong Nobyembre 13 na kinabibilangan nina Basilan Rep. Wahab Akbar, Marcial Talvo, Maan Gale Bustaliño at Julasiri Hayuduni.