Inspeksyon sa malls at mga palengke pinaigting

Ipinag-utos  kahapon ng Department of Interior and Local Go­vern­ment (DILG) sa Bureau of Fire Protection (BFP) na mag­sagawa ng mahigpit na ins­peksyon sa mga malls, shop­ping centers, at mga palengke upang matiyak ang kaligtasan ng publiko laban sa mga ma­pa­nganib na paputok at “Christ­mas lights”.

Sa direktibang inilabas ni DILG Acting Secretary  Marius Corpus, inatasan nito si bagong talagang BFP Director Enrique Linsangan na libutin ang lahat ng pamilihan sa buong bansa upang mapa­baba ang kaso ng mga aksi­dente na dulot ng sunog dahil sa mga mababang kalidad na paputok at mga ilaw.

Iginiit ni Corpuz na dapat matiyak na sumusunod ang mga may-ari ng mall at mga tindero sa mga regulasyon ng BFP upang hindi na maulit ang mga sakuna tulad ng naganap sa isang mall sa Mindanao noong nakaraang taon na nag­buwis ng maraming buhay.

Bukod dito, sinabi ni Lin­sangan na titiyakin rin nila na walang magsasagawa ng testing ng mga paputok sa mga pamilihan, pagtiyak na may mga permits ang mga pa­ninda, may mga fire exit ang mga malls, gu­magana ang “smoke detectors” at iba pang gamit tulad ng fire ex­tinguisher. (Danilo Garcia)