Janitor sa NAIA nagsoli ng napulot na pera

Hindi nagpasilaw sa kinang ng salapi ang isang janitor sa Ninoy Aquino International Air­port (NAIA) matapos na isoli nito ang napulot na 600,000 Korean won  habang nag­li­linis sa loob ng isang kadarating na eroplano mula Taipei ka­makalawa ng gabi.  Pinuri ni Manila In­ter­national Airport Authority General Ma­nager Alfonso Cusi ang ginawang kata­patan ng janitor na si Joseph Sta. Ana, aircraft cleaner  ng Excellent Ser­vices Inc. na nakatalaga sa NAIA.

Base sa pahayag ni Sta. Ana, habang naglil­inis siya sa loob ng ACRP-2P461 ng Air Philippines na may biyaheng Taipei-Manila nang mamataan nito ang isang puting en­velope sa seat 2-E kaya agad nitong nilapitan at pinulot. Nang buksan niya ito ay tumambad ang 60 pirasong Korean won na may 10,000 denomi­nations. Dahil dito, hindi naman  sumagi sa isip ng na­sabing janitor na ibulsa ang napulot na pera at agad na ipinagbigay-alam nito sa cabin security-on-duty na si Elizar Gamboa dahil sa wala rin siyang access pass para iturn-over ang pera sa arrival area.

Sa kasalukuyan, wala pang pasahero ang nagki-claim sa naturang na­iwang halaga sa eroplano. (Ellen Fernando)