Sinaksak ng isang misis ang kanyang mister makaraang umano’y masiraan ng bait ang una, kahapon ng madaling-araw sa Pasay City.
Nilalapatan ng lunas at halos hindi pa makausap sa Pasay City General Hospital sanhi ng malalim na saksak sa sikmura ang biktimang si Severiano de Leon Jr., 45-, residente ng 115 Villaruel St., ng nabanggit na lungsod.
Agad namang tumakas ang misis ng biktima na kinilalang si Dira matapos ang ginawa nitong pananaksak sa huli.
Batay sa isinagawang imbestigasyon ng Criminal Investigation Division ng Pasay City Police, dakong ala-1:20 ng madaling-araw nang maganap ang nasabing insidente habang ang mag-asawa ay nag-uusap hinggil sa problema sa kanilang pagsasama.
Nabatid na bunga ng mga hinaharap na suli ranin, biglang nawala sa katinuan ang suspect at kumuha ito ng patalim sa kusina at walang sabi-sabing sinaksak ang mister sa sikmura.
Nang duguang bumagsak ang mister ay agad na nagtatakbo palabas ng bahay ang ginang.
Agad namang isinugod ang biktima ng kanyang mga kaanak sa pagamutan para sa karampatang lunas nito. (Rose Tamayo-Tesoro)