P2.50 taas pasahe sa bus isinampa sa LTFRB

Isinampa kahapon sa Land Transportation Fran­chising and Regulatory Board (LTFRB) ng mga ope­rator ng pampublikong buses ang P2.50 fare-hike dahil sa patuloy na pagtaas ng presyo ng langis sa bansa.

Sa petisyon na isinam­pa ng Integrated Metro bus Operators Association Inc. (IMBOA); Inter City Bus Ope­rators Association (In­ter­boa) at North-East Ma­nila Bus Operators Group, hiniling nila ang pagtataas sa pasahe mula sa P8 pa­tungo sa P10.50 sa unang limang kilometro.

Bukod dito, hiniling rin nila ang pagtataas sa kasa­lukuyang P1.75 ng 35 sen­timo kada dagdag na kilo­metro. Iginiit rin ni Imboa pre­­sident Claire dela Fuente na magsasampa rin sila ng hiwalay na pe­ tisyon sa LTFRB para itaas rin ang pasahe sa mga air condi­tioned buses  ng 20 por­siyento.

Mistulang hostage na­man ng mga bus oragani­zation ang LTFRB nang sabihin ni Dela Fuente na kanilang iaatras ang petis­yon kung matutugunan ng pamahalaan ang mga isyu sa sektor ng transpor­tas­yon. Kabilang dito ang: pag­babago  sa  C5  U-turn  slot sa Libis-Ortigas; pagpa­pababa sa computer fees na sinisingil ng Land Trans­portation Office-Stradcom; isyu sa Compulsory Third Party Liability insurance. Dagdag pa rito ang mo­ratorium sa imple­mentas­yon ng mga ordinansa sa batas trapiko ng mga local government units (LGUs) at pagtatanggal sa 25% ko­misyon ng mga traffic enforcers. (Danilo Garcia)