Habambuhay sa 3 parak sa kidnap

Habambuhay na pagka­bilanggo ang inihatol ng Quezon City Regional Trial Court (QCRTC) laban sa tatlong dating pulis Maynila matapos mapatunayang nag­kasala  sa kasong pag­dukot at pagpatay sa isang Chinese trader noong Hulyo 2003.

Sa kanyang desisyon, sinabi ni QC RTC Judge Alexander Balot ng RTC branch 76 na sina PO1 Ca­sem Ote, PO1 Papeniano Razos at PO2 Murpy Uddin ay guilty sa pagkidnap at pagpatay sa 71-anyos na negosyanteng si Amelia Barreto.

Ang tatlo ay pawang mga dating miyembro ng WPD. Ilan lamang sa mga ebedensiyang ginamit sa kaso ay ang dalawang mo­bile phones na pagmamay- ari ng mga suspek na nag­tugma sa cellphone na gi­namit  sa  pakikipag-ne­gosas­yon sa pamilyang Barreto.

Si Barreto ay pinaslang ng mga suspek matapos na ang kanyang pamilya ay nagbayad ng ransom. (Angie dela Cruz)