Babae hinostage sa computer shop

Isang  binatang si  Rex Santos, 33, ng Libis, Ca­loocan City ang kasalukuyang nakapiit sa presinto maka­raang bihagin niya sa loob ng isang computer shop sa Barangay San Roque, Navotas kahapon ang dati niyang live-in partner na si Donabel Bondoc, 29.    

Nagkagulo sa naturang computer shop na pag-aari ng bagong kinakasama ni Bondoc na si Mamerto Nepo­muceno nang bigla itong pasukin ni Santos at tutukan ng patalim at bihagin ang babae.

Naglabasan ang mga parukyano ng shop at tumagal ang drama dahil sa pagpupumilit ni Santos na bumalik sa kanya si Bondoc at pagtutol naman dito ng huli.   

Nakawala si Bondoc makaraang sumuko si Santos sa kakilala nitong pulis na  si Senior Inspector Erwin Emelo ng Caloocan City Police. (Lordeth Bonilla)