Magkaibigan kinuyog ng mga bagets:1 todas, 1 sugatan

Dalawang magkaibi­gan ang hinarang at pi­nag­sa­saksak ng apat na menor-de-edad na kala­lakihan habang ang mga ito ay pa­pa­uwi mula sa isang birth­day party kahapon ng ma­daling-araw sa Sam­paloc, Maynila.

Isa ang nasawi na na­kilalang si Michael Pom­bo,18, residente ng #1840 G.Tuazon St., Sampaloc Manila,  habang ginaga­mot sa Ospital ng Sampa­loc ang kaibigan nitong  si Raymart Ignacio, 17.

Nabatid sa ulat, ang in­sidente ay naganap dakong alas-3:30 ng ma­da­ling-araw habang ang mga biktima ay nagla­lakad pa­pa­uwi sa ka­nilang bahay mula sa birthday ng kaibi­gan ng mga ito na nakila­lang si Mary Joy Ignacio nang biglang kuyugin ng grupo ng mga suspect.

Mabilis umanong si­nak­sak ng ice pick ng isa sa mga suspect si Pombo at pinagbubugbog naman si Ignacio.

Ang mga suspects ay tina­tayang nasa edad umano mula 15-17 taong gulang ay mabilis na nagsi­takas matapos ang in­sidente.

Malaki ang paniniwala ng pulisya na mga miyem­bro ng kilabot na fraternity ang mga suspects at napag­diskitahan ng mga ito ang mga biktima. (Grace dela Cruz)