3 ‘hulidap cops’ arestado

Tatlong   binansagang “hu­lidap cops”  ang na­aresto ng mga elemento ng PNP-Criminal Investi­ga­tion and Detection Group (PNP-CIDG) sa isina­gawang entrapment operation na muntik nang ma­uwi sa shootout  sa bisinidad ng isang fast food chain sa Rosario, Pasig City.

Sa ginanap na press briefing sa Camp Crame, iprinisinta ng mga opisyal sa pangunguna ni PNP-CIDG Chief P/Director  Ed­gardo Doromal sa media­men ang mga nasa­koteng suspect na pa­wang mga bagitong pulis.

 Kinilala ni Doromal ang mga ito na sina PO1s Jayson Rivera ng EPD- District Investigative De­tection Management Divi­sion  (EPD-DIDM),  Nel­son Adamos at Philip Aure; kapwa ng Pasig Police Station Drug En­forcement Unit. 

Ayon kay Doromal, ang mga suspect ay na­sakote ng kanyang mga tauhan matapos ang mun­tik nang shootout sa isang hostage drama pa­sado alas-12 ng tanghali sa Rosario ng nasabing lungsod.

Nabatid na nagsa­gawa ng operasyon ang mga elemento ng PNP-Criminal Investiga­tion Detection Division (CIDD) matapos na ireklamo ang tatlong scalawags ni Roditha Martin ng Mang­gahan, Pasig City na arma­dong pumasok sa kanilang tahanan dakong alas-4 ng madaling-araw.

Hinahanap umano ng mga suspect ang kan­yang live-in partner na tinukoy nitong si Leo na pinosasan ng mga ito matapos na akusahan na isang drug pusher.

Maliban dito ay niran­sak din umano ng mga sus­­­pect ang kanilang tahanan at tinangay ang 10 units ng cell phones, tatlong mamahaling relo na nagkakahalaga ng P250,000 bawat isa, dala­wang DVD players na tig-P42,000; dalawang video cameras na tig-P47,000, dalawang rubber shoes P8,400; dalawang digital camera, isang gintong ku­wintas ng babae P6,000, ATM card, wallet at ang kanilang Yamaha motor­bike na nagkakahalaga ng P65,000.

Gayunman sa halip na sa presinto dalhin si Leo ay dinala ng tatlong parak sa 3rd floor na residente pa ng mga ito at humingi ng P200,000 ka­palit ng kalayaan ng kan­yang live-in partner.

Bunga nito ay napili­tang dumulog sa tangga­pan ng PNP-CIDG si Ro­ditha kung saan ay iti­nak­da ang entrapment opera­tion sa nasabing lugar.

Gayunman, nang iabot ang nasabing pera ay nakahalata umano si Aure na nalansi sila kaya sinunggaban sa leeg si Roditha at tinutukan ng kaniyang cal. 9 MM pistol sa sentido.

Mabilis namang umak­syon si SPO1 Haneeh Sali, miyembro ng arrest­ing team at hinamon si Aure na tinutukan rin nito ng kaniyang cal. 45 pistol sa ulo kaya napilitan ang suspect na ibaba ang kan­yang armas kung saan nasakote ang da­lawa pa nitong kasama­han ma­tapos na makor­ner ng PNP-CIDG opera­tives.

Inihahanda na ang ka­song kidnapping, armed robbery, carnapping at iba pa laban sa mga nasako­teng scalawags na bagi­tong parak.