Away sa trapik: Mag-amo dedo sa abogado

Patay ang dalawa katao na kinabibilangan ng isang bise presidente ng isang kompanya at katulong nito makaraang pag­babarilin ng isang abo­gado dahil sa awayan sa trapiko kahapon ng hapon sa Pasig City.

Namatay habang ginaga­mot sa Medical City sanhi ng tina­mong tama ng bala sa ka­tawan ang mga biktimang sina Edgardo Calesares, vice president ng Total Information Management na nasa Makati City  at ang ka­tulong nito na si Catherine Palmero.

Samantala, sumuko na­man sa himpilan ng Pasig police ma­ka­lipas ang ilang oras ang suspek na nakilala lamang na Atty. Manito Her­nan­dez, resi­dente ng 7 Sun­hill, Brgy. Capi­tolyo ng nasa­bing lungsod.

Sa inisyal na ulat, naganap ang insidente dakong alas-2:30 ng hapon sa kahabaan ng Shaw Blvd. sa kanto ng En­driga St. Brgy. San Antonio ng nasabing lungsod.

Nabatid na sakay ng Toyota Corolla na kulay gray ang sus­pek nang magkainitan sila ng lalaking biktima sakay ng Nissan Cefiro na kulay gray.

Nang mapikon ang suspek ay bumaba ito sa kanyang sa­sak­yan bitbit ang hindi pa batid na kalibre ng baril at pinagbabaril ang mga biktima sa loob ng kanilang sasakyan.

Matapos ang insidente ay mabilis na tumakas ang sus­pek subalit naplakahan ang kanyang sasakyan ng mga nakasaksi.

Sa kasalukuyan ay ayaw pang magpalabas ng impor­mas­yon ang Pasig police hing­gil sa kumpletong pagkakaki­lan­lan ng suspek na ngayon ay nasa him­pilan na ng Pasig Police Head­quarters.