1 patay, 3 sugatan matapos araruhin ng van

Patay ang isang lalaki habang tatlo pa ang ma­lubhang nasugatan ma­karaang suyurin ng isang closed van na na­walan ng giya sa hara­pan ng gate ng isang pab­rika sa San Juan City kahapon ng umaga.

Kinilala ang nasawing biktima na si Vicente Po­lioso, 50, habang ma­lubha namang nasuga­tan ang iba pa na sina Danny Tiamonte, Jupil So­perales at Noel Enri­quez, pawang mga traba­hador ng Asahi Electrical Manufacturing Corp.

Naaresto naman ang suspect na nakilalang si Danilo Buban,  drayber ng nasabing van.

Sa ulat, naganap ang insidente dakong alas- 10:15 ng umaga ng ma­walan umano ng giya ang closed van na may pla­kang XEC-962 na mina­ma­neho ng suspect at nagtuluy-tuloy na bu­mangga sa gate ng nasa­bing kompanya at eksak­tong naroon ang mga biktima.

Direktang nabangga si Polioso ng van mata­pos pumasok sa compound habang ang tatlo pa nitong kasamahan ay nadaganan ng gate da­hilan ng kanilang bali at sugat sa ibat-ibang ba­hagi ng katawan.

Agad namang isinu­god sa Cardinal Santos Hospital ang mga biktima subalit nasawi din si Polioso dahil sa matin­ding inabot nito sa aksi­dente.

Kasalukuyang naka­piit ang suspect sa San Juan detention cell ha­bang inihahanda ang kaukulang kaso laban dito. (Edwin Balasa)